“Эрчим хүчний тоног төхөөрөмж байгууламжийн техник ашиглалтын дүрэм” шинэчлэн боловсруулах төсөлд ажлын даалгаврын дагуу зөвлөх үйлчилгээ үзүүлэх зөвлөх инженер, мэргэжилтэн (дулаан)-үүдийг сонгон шалгаруулж хамтарч ажиллана. Сонирхож буй мэргэжилтэн доорх цахим хаягаар хүсэлтээ (товч намтрын хамт) 2026 оны 11 сарын 06-ны өдрийн дотор бидэнд ирүүлнэ үү.

info@meei.energy.gov.mn

Ажлын даалгавар татах

Зөвлөх нь ажлын даалгаварын дагуу дараах ажлыг гүйцэтгэнэ:

1. Дэд бүтцийн сайдын 2003 оны 125 дугаар тушаалаар батлагдсан “Эрчим хүчний тоног төхөөрөмж, байгууламжийн техник ашиглалтын дүрэм”-д дүн шинжилгээ хийх.
2. ОХУ-ын эрчим хүчний сайдын 2022 оны 10 дугаар сарын 04-ний өдрийн 71384 дүгээр тушаалаар батлагдсан “Технической эксплуатации электрических станций и сетей российской федерации” дүрмийн

• Цахилгаан станцын гидротехникийн байгууламжийн ашиглалтад тавих шаардлага
• ГТБ-ийн механик төхөөрөмжийг ажиллуулахад тавих шаардлага
• ГТБ-ийг хүйтний улиралд ажиллуулахад тавих шаардлага
• Цахилгаан станцуудын ус хангамжийн ашиглалт, гидрологи, цаг уурын хангамж, усны горимын менежментэд тавих шаардлага
• Гидротурбины агрегатуудыг ажиллуулахад тавих шаардлага
• хүчний байгууламж дахь техникийн усан хангамжид тавих шаардлага
• Түлш–тээврийн аж ахуйн ашиглалтад тавих шаардлага
• Хатуу түлшийг ашиглах үед тавих шаардлага
• Шингэн түлшийг ашиглахад тавих шаардлага
• Шингэн түлшийг хүлээн авах, хадгалах, хийн турбин төхөөрөмж (ХТТ)-д шатаахад бэлтгэхэд тавих шаардлага
• Тоос бэлтгэх төхөөрөмжийн ашиглалтад тавих шаардлага
• Уурын ба ус халаалтын зуухны төхөөрөмжийн ашиглалтад тавих шаардлага
• ДЦС-ын турбин болон хийн поршинт төхөөрөмжийн ашиглалтад тавих ерөнхий шаардлага
• Уурын турбины төхөөрөмжийн ашиглалтад тавих шаардлага
• Дулааны цахилгаан станцын блок төхөөрөмжүүдийн ашиглалтад тавих шаардлага
• Эрчим хүчний объектын ус бэлтгэл ба ус-химийн горимд тавих ерөнхий шаардлага
• Ус бэлтгэл ба усны нэмэлт боловсруулалтад тавих шаардлага
• Уурын турбинтэй, хаягдлаар ажилладаг зуухтай ДЦС-ын ус-химийн горимд тавих шаардлага
• Химийн хяналтад тавих шаардлага
• Уур ба усны чанарын нормд тавих шаардлага
• Үнс барих, үнс зайлуулахад тавих шаардлага
• Станцын дулаанжуулалтын тоноглолын ашиглалтад тавих шаардлага
• Металлын шинж, төлөвийн хяналтад тавих шаардлага
• Цахилгаан станцын дулаан механикийн тоноглолын ашиглалтад тавих ерөнхий шаардлага
• Хийн турбинт байгууламжийн (бие даасан болон уур-хийн хосолмол циклд ажиллах) ашиглалтын шаардлага

бүлгүүдийг бүхэлд нь орчуулж дүрмийн төсөл боловсруулах.

3. ОХУ-ын эрчим хүчний сайдын 2025 оны 05 дугаар сарын 14-ний өдрийн 511 дүгээр тушаалаар батлагдсан “Правил технической эксплуатации объектов теплоснабжения и теплопотребляющих установок” дүрмийн

• Дулаан хангамжийн объект болон дулаан хэрэглэгчийн төхөөрөмжийн туршилт-тохируулгын ажилд тавигдах шаардлага
• Халуун усны хуримтлуур савны ашиглалтад тавигдах шаардлага
• Дулааны сүлжээний насос станцын ашиглалтад тавигдах шаардлага
• Дулааны зангилааны ашиглалтад тавигдах шаардлага
• Дулаан солилцуур аппаратын ашиглалтад тавигдах шаардлага
• Дулаан хэрэглэгчийн төхөөрөмжийн ашиглалтад тавигдах шаардлага

бүлгүүдийг бүхэлд нь орчуулж дүрмийн төсөл боловсруулах